شرح مبسط ل ((نظام المقررات))

هذا تعريف بسيط بالنظام...
نبدا بالمواد...
مواد الدين(حديث-توحيد-فقه-قران-تفسير)<<كلها مستوين طبعا المستوى الثاني ماياخذوه غير الادبي
العربي(عباره عن كتاب اسمو كفايات اللغة العربيه)<<<شي خيال روعه وسهل
الاحياء3مستويات(مستويين اجباري ومستوى اختياري)
الكيميا4مستويات(3اجباري وواحد اختياري)
الفيزيا4مستويات(3اجباري وواحد اختياري)
الرياضيات(خمسه مستويات ومستوى احصااء)
الحاسب (مستويين بس)
كتاب اسمو اجتماعيات مررره حلو وممتع مو زي التاريخ والجغرافيا الفاشلين في النظام العام لاااا مرررره روعه وكانك في اخبار(طبعا دا للبرنامج المشترك مستوى واحد يدرسونو علمي وادبي بس الادبي عندهم تاريخ وكتاب ثاني جغرافيا)
الانجلش 5مستويات يعني في ترم ماتدرسون انجلش..
في مواد(علم بيئه-تربيه صحيه-مهارات اداريه-مهارات حياتيه)هذي مهي في النظام العام حلوة وسهله
طبعا في سنه اولى
7مواد في الترم الاول
و7في الترم الثاني
طبعا مستحيل في ترم واحد يحطون لك (كيميا وفيزيا واحيا ورياضيات) لا
انا في الترم الاول(رياضيات1 وكيميا1)
الترم الثاني(احياء1 وفيزياء1 واحصاء)
طبعا العربي تقويم مستمر والمهارات كمان والتربيه الصحيه
وفي اختبارات عمليه لل(حاسب فيزياء كيمياء واحياء)الدرجه من عشره وتناخذ من درجه الاختبار النهائي
يعني الاختبار النهائي من 50 في ذي المواد تسير من 40 والعشره عملي
والاختبار النصفي من 25
وفي مواد الدروس اللي اختبرتها في النصفي ماتختبرها في النهائي
طبعا الغياب ع الحصه كل حصه بنصف درجه<<زي الجامعه,,
نظام تنقل من فصل لفصل يعني كل ماده لها قاعه..
في نسه ثانيه
6مواد في الترم الاول و6 في الترم الثاني والعلمي لهم مواد والادبي لهم مواد وفي مواد مشتركه زي العربي والانجلش
وسنه ثالث5في الترم الاول و5في الترم الثاني
طبعا الترم الثاني في سنه ثالث علمي تختار يا(احياء ياكيميا يافيزيا)تتخصص في وحده من ذي المواد عشان كذا قلنا اختيار المستوى الاخير..
امممممممممممممممم طبعا النظام يبني شخصيتك ويقويها ويعزز ثقتك بنفسك وينمي مواهبك
عيال عندنا كانو خجولين يالله يتكلمون معانا ع نهاية السنه صاروا يشرحون دروس..
وغير كذا رحلات ميدانيه وكمان سنه ثالث يعرفونهم بالجامعات والكليات يودونهم يزوروها او يجون ناس من الجامعه يعرفونهم يسون دورات للقدرات ممممم ممكن تحضر حصص غير حصصك (تزويد معلومات)
وكمان مممممممممممم مافي شي اسمو رسوب اذا تعثرت في ماده ومانجحت فيها تشيلها معاك للسنه اللي بعدها..
طبعا نادرا مايكون في واجبات واذا كان فيه حيكون بحث او بور او اذاعه او اي فكره ممكن تفيد في الدرس يعني مو سوال وجواب لا تبدع لك الحريه فيه..
فيه انشطه وغير كذا كل 15 ولد له مرشد اكادمي مسئول عنهم وعن مستواهم
تقدر تحذف وتضيف مواد....اعتقد اني عرفت بالنظام ولما تدخلونه راح تعرفونو وتفهمونو اكثر..